Luke 17

1Eijo Yesu haitiyenak illo honyie, ‘’Ara anni hijo afanu iso hirro inne le yani ŋayau, hati orru iso do hoi lie lafanini isie! 2Amanyar do honyie hamai lo olurohini morwo hibuŋi do murut honyie ojo honyie eibirohini a hari nahitok, agali ŋasiere lobo tere ha hairuhok hullo ŋejuho huyai.

3Iririai kwaite inna hatai. Kuya laŋayau harasi hoi, iriŋa inyeja, ojo leiruk inyeja, ibusak inyeja. 4Kuya laŋeyeu inyeja do hoi hinyahita hetterik tafar tana bote, ette ŋaitu tohoi hinyahita hattarik, hijo, ‘Airuk,’ naŋ anyar ibusak inyeja!“

5Eijo leifahat da habu,’’Tofonik hiruk nohoi.’’ 6Eijo Habu,’’Kuya liwon itai he hiruk iya hinyomoti leitiŋ le bioŋ iriamik iye hijo de yani inna ha hette, ‘Todutini, ta hade, ette iyie ŋaidulak da hari,’ nyie hitok; ette inyeja baŋi iye.

7Hati lari la hatai, lowuon ha haigemani lo loromo kuya eiriria kioro, leremik hijo do honyie lojo inyeja lotu ta mana,’Woŋ kokwak towonyai do a fau ette daha.’ 8Obe iso inyeja lojo do honyie,’Ituhumak da haŋ hilak hirro la dahat, ojo ihuma ŋalulurak leimojik do boŋo hoi ette lwaha naŋ many attohu naŋ daha ojo mata?‘

9Obe inyeja lojo humo da haigemani hijo eigema ifa inyejai hirro innafa he hifahita heigem inyeja? 10Niya amara hido iye, ani igem itai hirro daŋ innafa lara hifahita anyar lojo eira iyohoi aheigemak asai, ‘Obe iyohoi era haigemak illo lelibo. Eigem iyohoi inna leilimak iye.‘“

11Ottu inyeja iyya ifa lowuon isieja deikoi hoy Yerusalem, ollot ifa inyeja tahari hafau na Samaria ojo Galileyo. 12Ifa laŋajiŋak inyeja a haŋ nabo, de eiboŋ inyeja ho huwo tomon ille talulu. 13Oweta de illoma tere honyie Ette isieja huworro woŋ, woŋ hijo, “Yesu, leitok demehini do hoi.’’

14Ifa lowolo iyieja isieja, eijo inyeja do hosie,’’Ifieti itihutek kwaite inna haitai da Fadirihien.’’ Ette ŋawoŋ iya nyie, ifa laiŋafie isieja, aŋafie isieja liboi. 15Ifa lowolo lobo lohosie hijo aliboi inyie, efela ahalu, eiyorro woŋ woŋ heitihabwo Hollum. 16Olluroi inyejai afau de hejek he Yesu, hisiara inyejai humo. Ara ifa inyeja la Samariya.

17Ettiraŋ Yesu, hijo,’’Hobe ifa tommon ile oliboiŋ? Tahu hati hotoŋuamŋ? 18Tahu hati hilak illo loŋurani leitihabwori Hollum, aracai hettemononi illeŋ? 19Eijo do honyie, “Tette, inno. Aŋaitalibo iye hiruk nohoi.“

20Eifia Pharirisai inyeja hijo anu iso lotu lobie no Hollum, eitiraŋ Yesu isieja hijo. “Inyia lobie no Hollum lara nobo siehinnai ne leiremik wuana he hitawuti. 21Obe hidofe isieja leriamik hijo, ‘Teriŋai inni!‘Kuya, ‘Teriŋai adede!’ nyo owuon obie no Hollum de hiji hatai.’’

22Eijo Yesu de lefahat, “Afanu iso holoŋi lijo itai iwak wolo nabo far no holoŋi inne lenyi tohoni, hati inya iso itai liwolo inyie. 23Ojoo iso dohoi, ‘Towolo adede! Towolo aini!‘Hati ibaŋa lifwo siahari, kuya hijufuta da halu hosi. De hiji hatai eitihutek hijo owoun Yesu de hiji hosie, 24Ifa laŋereu himedek ifa lojo lonito ta halai nabotie ne idou, ahalai nabotie ne dou, niya owuon iso lenyi tiŋoni da far no honyie.

25Hati ahosiere anyar lorumu iyieja diahai ne hirro iluluŋ ojo hidofe anyar leibo hilahaji honyie. 26Iyya nafa leidoŋ holoŋitek ho Noah, iya iso leidoŋori do holoŋ inne Leinyi tihoni. Adaha isieja, 27amata isieaja, ayama isieja, ette ŋasiere isieja hetteyamai, many da far ne lejiŋahini Noa ettegoli ette igura ne hibula ŋawoŋ ette hitihar isieja daŋ.

28Ecieta iya nafa leidoŋ to holoŋitek inno olot, adaha isieja, amata, etinyaŋa, edula ojo isieja oduho. 29Hati da far nyie laŋawunyie loto de to Sodoma, owule hima ojo modie te ido ette hitihar isieja daŋ.

30Da halu ne le ciala iyya inne ara iso far ne lerreini lenyi tohoni. 31Da far nyie, ibaŋa ibusak lobo lolowuon de hide ha haji hawoŋ afau he yari saŋ ta haji. Ojo ibaŋa eibusak lobo lolowuon da mana hotoguruni.

32Itigil loŋorwo lot. 33Lawak lobo ŋetilahu wuaran no honyie etilitek iso inyeja, hati lie leletilitek wuaran no honyie eriamik iso ŋatiluahu inyeja.

34Aŋalimak naŋ itai, hijo ta tari tenyie owuon iso hodoti lohorik te ijotit nabotie. Eyari iso lobotie, ette lobotie ŋabusahini. 35Owuon iso ŋorwo arik inne leira annabotie.“[ 36] Efi isieja inyeja, “Aji, Habu?“Ette inyeja hijo do hosie, ‘’De lowuanari kwan ne leyei iso lotubari taruha daŋ.’’

37